Boksieri Manny Pacquiao vazhdon të mos heqë dorë nga një revansh me Floyd Mayweather (filipinasi ka humbur sfidën e parë, në maj të vitit 2015).

41-vjeçari filipinas u shpreh se ai e dëshiron me çdo kusht këtë përballje të dytë me boksierin e pamposhtur amerikan. Një ofertë ka ardhur që ata të duelojnë vitin e ardhshëm, por ende nuk ka asgjë zyrtare.

Përmes një postimi në faqen e tij zyrtare në “Twitter”, boksieri filipinas shkruan: “Floyd Mayweather, nëse dëshiron të zhvillosh një revansh, një sfidë të vërtetë boksi, atëherë duelo me mua. Nëse dëshiron një duel “show”, atëherë duelo me mikun tim, Jack Ma, i cili do të kujdeset për ty. Unë jam gati në çdo kohë dhe në çdo vend të përballem me ty. Ekipi im është gati”./Express

Message to Mayweather! pic.twitter.com/nS3K9a0SCY

— Manny Pacquiao (@MannyPacquiao) October 27, 2019